నన్ను అందుకే హౌస్ నుంచి బయటకు పంపారు.. ఆట సందీప్ సంచలన పోస్ట్!

దిశ, వెబ్‌డెస్క్: తెలుగు రియాలిటీ బిగ్‌బాస్ షో రోజు రోజుకు పలు టాస్కులతో అందరికీ ఆసక్తిని పెంచుతోంది. ప్రస్తుతం తొమ్మిదో వారం ప్రసారమవుతుంది. అయితే హౌస్‌లో ప్రస్తుతం కెప్టెన్సీ టాస్క్ జరుగుతోంది. ఇందులో భాగంగా ఇంటి సభ్యులను బిగ్‌బాస్ రెండు గ్రూపులుగా విభజించాడు. యావర్, గౌతమ్, తేజ, శోభా, రతిక ఇక టీం అయితే.. శివాజీ అర్జున్, ప్రియాంక, పల్లవి ప్రశాంత్, అశ్విని మరోక టీమ్. అయితే జంపింగ్ జపాంక్ టాస్క్‌లో యావర్ టీమ్ గెలిచింది. దీంతో బిగ్‌బాస్ వారికి ఓ అవకాశం ఇచ్చాడు. ఆపోజిట్ టీమ్ నుంచి ఒకరిని డెడ్ చేయవచ్చని చెబుతాడు.

అప్పుడు వారు ఫిజికల్, మెంటల్ అనే తేడా లేకుండా టాస్క్ లో పల్లవి ప్రశాంత్ దుమ్ములేపుతున్నాడు. కాబట్టి అతడిని డెడ్ చేయాలని నిర్ణయించుకుని ప్రశాంత్ ని డెడ్ చేశారు. పల్లవి ప్రశాంత్ కెప్టెన్సీ టాస్క్ ముగిసే వరకు డెడ్ బోర్డు మెడలో వేసుకుని తిరగాల్సిందే. కెప్టెన్ అయ్యే ఛాన్స్ కూడా అతనికి లేడు. తాజాగా, దీనిపై ఇటీవల ఎనిమిదో వారం ఇంటి నుంచి బయటకు వచ్చిన సందీప్ మాస్టర్ తన ఇన్‌స్టా వేదికగా స్పందించారు. ‘‘ పాపం పల్లవి ప్రశాంత్.. గుడ్ ప్లేయర్. వాడిని ఎందుకు డెడ్ చేశారు. ప్రశాంత్ ఉంటే ఆట ఆడలేరా? భయమా? స్ట్రాంగ్ ప్లేయర్స్‌తో ఆడండి. స్ట్రాంగ్ ప్లేమర్స్‌ని బయటకు పంపి ఆడితే కిక్కు ఉండదు. అఫ్ కోర్స్ నన్ను కూడా అందుకే బయటకు పంపారు. నేను స్ట్రాంగ్ ప్లేయర్ అని!’’ అంటూ రాసుకొచ్చాడు. ప్రస్తుతం సందీప్ మాస్టర్ పోస్ట్ నెట్టింట వైరల్‌గా మారింది. దీంతో అది చూసిన పల్లవి ప్రశాంత్ ఫ్యాన్స్ సైతం సందీప్‌కు సపోర్ట్ చేస్తున్నారు.