బిగ్ బాస్‌ హౌస్‌లోకి రీఎంట్రీ ఇస్తున్న రతిక.. ఇన్‌స్టా పోస్ట్ వైరల్

దిశ, వెబ్‌డెస్క్: బిగ్ బాస్ సీజన్ 7 అంతా ఉల్టా పుల్టా గానే సాగుతోంది. నామినేషన్స్ దగ్గర నుంచి ఎలిమినేషన్ల వరకు ఎవరూ ఊహించని రీతిలో బిగ్ బాస్ ట్విస్ట్‌లు ఇస్తూనే ఉన్నాడు. అయితే.. బిగ్ బాస్ హౌస్‌లో మూడు వారాలు ఉండి తర్వాత ఎలిమినేట్ అయిన దామిని, రతిక, శుభశ్రీకి హౌస్‌లోకి ఎంట్రీ ఇచ్చేందుకు మరొ అవకాశం వచ్చిన సంగతి తెలిసిందే. ఈ క్రమంలోని ఆ ముగ్గరు కంటెస్టెంట్స్ హౌస్‌లోకి వచ్చేందుకు ఓటింగ్ కూడా పూర్తి అయింది. ఇక దామిని, రతిక, శుభశ్రీ ఈ ముగ్గులో హౌస్ లోకి ఎవరు వస్తారు..? ఎప్పుడు వస్తారు..? అనేది సస్పెన్స్ నెలకొంది. కాగా.. తాజాగా వైరల్ అవుతున్న సమాచారం ప్రకారం హౌస్‌లో రతిక రోజ్ రీ ఎంట్రీ ఇవ్వబోతున్నట్లు తెలుస్తోంది.

రతిక తన ఇన్‌స్టా స్టోరీలో నిన్న ఒక స్క్రీన్ షాట్ పెట్టింది. ఇందులో రతిక పెట్టిన పోస్ట్‌ను ఓ వ్యక్తి తన స్టోరిగా పెట్టుకుంటూ ‘‘వెల్‌కమ్ టూ బిగ్ బాస్ రతిక’’ అంటూ క్యాప్షన్ ఇచ్చాడు. అతడు స్టోరీకి రిప్లై ఇస్తూ.. విక్టరీ సింబల్ ఇచ్చింది రతిక. పైగా అతడి స్టోరీని స్క్రీన్ షాట్ తీసి తన ఇన్‌స్టా స్టోరీలో పోస్ట్ చేసింది. దీంతో రతిక బిగ్ బాస్ హౌస్‌లోకి రీ ఎంట్రీ ఇస్తుందంటూ నెట్టింట కామెంట్స్ వైరల్ అవుతున్నాయి.

అయితే.. లెక్క ప్రకారం ఓటింగ్‌లో ఎవరికైతే ఎక్కువ ఓట్లు వస్తాయో వారు కాకుండా.. ఎవరికి తక్కువ ఓట్లు వస్తాయో వారే హౌస్ లోకి రీఎంట్రీ ఇస్తారని నాగార్జున ట్విస్ట్ ఇచ్చిన విషయం తెలిసిందే. అలాగే కంటెస్టెంట్ ఎప్పుడు హౌస్‌లోకి ఎంట్రీ ఇస్తారనేది కూడా బిగ్ బాస్ అనౌన్స్ చేస్తాడని నాగార్జున తెలిపాడు. కానీ, అందుతున్న సమాచారం ప్రకారం.. రతిక ఈ వారంలోనే హౌస్ లోకి ఎంట్రీ ఇవ్వనుందట. ఈ వార్తల్లో ఎంత వరకు నిజం ఉందో తెలియాలంటే కొత్త కంటెస్టెంట్స్ రీఎంట్రీ వరకు వేచి చూడాల్సి ఉంది.