Bigg Boss Telugu 7: మీసం తిప్పరా నువ్వు.. మానస్ కౌంటర్.. శివాజీని ఉద్దేశించే అన్నాడా..?

దిశ,వెబ్ డెస్క్: మానస్ నాగులపల్లి, అమర్‌దీప్ చౌదరి బెస్ట్ ఫ్రెండ్స్ అన్న విషయం మన అందరికీ తెలుసు. చిన్నప్పటి నుంచి వీరిద్దరు మంచి స్నేహితులు. అమర్ ను అన్ని విషయాల్లోనూ సపోర్ట్ చేస్తుంటాడు. ఈ సీజన్లో అమర్ దీప్ మీద వచ్చిన ట్రోల్స్ ఇంకెవరి మీద రాలేదు. శివాజీ లాంటి వాళ్లు అమర్ ని టార్గెట్ చేసి మట్లాడినపుడు ఆ సమయంలో వాళ్లకి కౌంటర్స్ ఇస్తూ సోషల్ మీడియాలో పోస్టులు పెట్టాడు మానస్. ఇక తాజాగా బిగ్‌బాస్ స్టేజ్ మీద నుంచే ఇండైరెక్ట్‌గా శివాజీకి స్ట్రాంగ్ కౌంటర్ ఇచ్చాడు మానస్.

దీపావళి స్పెషల్ ఎపిసోడ్‌లో భాగంగా అమర్‌దీప్‌ తల్లి బిగ్‌బాస్‌కి వచ్చారు. ఆమెతో పాటు మానస్ కూడా అమర్‌ని చూసేందుకు వచ్చాడు. ఈ సందర్భంగా అమర్‌కి గట్టిగానే బూస్ట్ ఇచ్చాడు మానస్. "నువ్వు ఎవరికీ భయపడాల్సిన అవసరం లేదు.. చెప్పేది అర్థమవుతుందా.. మీసం తిప్పరా నువ్వు" అంటూ మానస్ చెప్పగానే అమర్ కళ్లల్లో సంతోషం మాములుగా లేదు. అయితే ఈ డైలాగ్ చెప్పేటప్పుడు కెమెరా శివాజీ వైపు చూపించారు. తను సీరియస్‌గా లుక్ ఇచ్చినట్లుగా ఉంది. ఇక ఇదే పోస్ట్‌ను మానస్ కూడా తన ఇన్‌స్టాలో పోస్ట్ చేశాడు. మొత్తానికి మానస్ వచ్చి అమర్‌కి మంచి బూస్ట్ ఇచ్చాడు. అయితే శివాజీని ఉద్దేశించే ఈ మాటలు అన్నాడా అంటూ సోషల్ మీడియాలో ట్రోల్స్ చేస్తున్నారు.