‘బిగ్‌ బాస్ 7’ ఫైన‌ల్స్‌కు చీఫ్ గెస్ట్‌గా మహేష్ బాబు.. ఈ సారి సెల‌బ్రేష‌న్స్ పీక్స్‌

దిశ, సినిమా: మొత్తానికి విజయవంతంగా ‘బిగ్‌ బాస్’ సీజ‌న్ 7 లాస్ట్ వీక్‌కు వ‌చ్చేసింది. ప్రజంట్ ఆరుగురు కంటెస్టెంట్స్ ఫైన‌ల్‌కు చేరుకున్నారు. శివాజీ, ప‌ల్లవి ప్రశాంత్, ప్రిన్స్ యావ‌ర్‌, అర్జున్ అంబటి, అమ‌ర్‌ దీప్‌, ప్రియాంక జైన్ టైటిల్ రేసులో నిలవగా.. విన్నర్ ఎవ‌ర‌న్నది ఈ ఆదివారం తేల‌నుంది. అయితే బిగ్‌బాస్ గ్రాండ్ ఫినాలే డిసెంబ‌ర్ 17న ఆదివారం జ‌రగ‌నుంది. లాస్ట్ సీజ‌న్ గెస్ట్‌లు లేకుండా చ‌ప్పగా ముగించ‌డంపై విమ‌ర్శలొచ్చాయి. దీంతో ఈ నెగెటివ్ ట్రోలింగ్‌ను దృష్టిలో పెట్టుకొని.. ఈ సారీ గ్రాండ్ ఫినాలేను చాలా గ్రాండ్‌గా ప్లాన్ చేశారు నిర్వాహకులు. కాగా ఈ ఫినాలేకు చీఫ్ గెస్ట్‌గా సూప‌ర్ స్టార్ మ‌హేష్ బాబు రాబోతున్నట్లు ప్రచారం జ‌రుగుతుంది. అలాగే పలు హీరోయిన్ల ఆట‌పాట‌ల‌తో ఫైన‌ల్ ఎపిసోడ్‌ అదిరిపోయేలా ప్లాన్ చేసిన‌ట్లు తెలుస్తుంది.