Bigg Boss Telugu 7: శివాజీపై బిగ్‌బాస్‌కి కంప్లెయింట్ చేసిన గౌతమ్.. ఎందుకంటే..?
గౌతమ్.. ఎపిసోడ్ అయిపోయే ముందు బిగ్‌బాస్‌కి డైరెక్ట్‌గా కంప్లెయింట్ చేశాడు.
దిశ,వెబ్ డెస్క్: బిగ్‌బాస్ కొత్త కెప్టెన్‌గా శోభా శెట్టి నిలిచింది. దీంతో బిగ్‌బాస్-7 హౌస్‌లో కెప్టెన్ అయిన తొలి మహిళా కంటెస్టెంట్‌గా మోనిత మేడం రికార్డు కొట్టేసింది. కంటెండర్ల తరఫున గర్జించే పులుల టీమ్ సభ్యులు టాస్కు ఆడాలని బిగ్‌బాస్ ట్విస్ట్ ఇచ్చాడు. దీంతో తమ తరఫున ఆడమని ఒక్కొక్కరు ఒక్కొక్కరిని రిక్వెస్ట్ చేసుకున్నారు. అయితే ఆ సమయంలో శివాజీ తెలివిగా గౌతమ్‌ని పక్కకి తప్పించాలని ట్రై చేశాడు. ఈ విషయంపై గౌతమ్.. ఎపిసోడ్ అయిపోయే ముందు బిగ్‌బాస్‌కి డైరెక్ట్‌గా కంప్లెయింట్ చేశాడు. శివాజీ గురించి మీకు కొన్ని విషయాలు చెప్పాలని.. కెమెరా ముందు మాట్లాడాడు.
బిగ్‌బాస్ నన్ను ఒకసారి కన్ఫెషన్ రూమ్‌కి పిలవండి.. ఇక్కడ చాలా విషయాలు రాంగ్‌గా బయటికి వెళ్తున్నాయ్.. నేను వీటిని అంగీకరించలేను.. అదే జరిగితే నేను ఈ హౌస్ నుంచి బయటికి వెళ్లిపోవడానికి కూడా సిద్ధంగా ఉన్నాను బిగ్‌బాస్.. అంటూ గౌతమ్ చెప్పుకొచ్చాడు. నన్ను డైరెక్ట్‌గా ఎలిమినేట్ చేసేసేయండి.. శివాజీ అన్న.. ఆట మొదలయ్యే ముందు అందరినీ పిలిచి గౌతమ్ ఆల్ రెడీ ఒకసారి కెప్టెన్ అయ్యాడు.. వాడు మళ్లీ అవ్వొద్దని ఎలిమినేట్ చేసేద్దాం అనుకున్నారు.. మరి అర్జున్, యావర్ కూడా ఒకసారి కెప్టెన్ అయ్యారు కదా.. అదే లాజిక్‌తో వెళ్లితే వాళ్లు కూడా గేమ్ ఆడకూడదు కదా.. ఒక ఫిజికల్ గేమ్‌ను కూడా ఆయన మ్యాచ్ ఫిక్సింగ్ చేసి.. ఇలా చేయడం ఏంటి .. నీతి నిజాయితీ.. అంటూ నీతులు చెబుతుంటారు.. ఇప్పుడు ఆయన చేసింది కరెక్టా.. అంటూ గౌతమ్ ఫైర్ అయ్యాడు.