బిగ్‌బాస్-7: విన్నర్ ఎవరో తేల్చేసిన సర్వే.. రన్నర్ ఎవరంటే?

దిశ, వెబ్‌డెస్క్: తెలుగు బిగ్‌బాస్-7 షో ఫైనల్‌కు చేరుకుంది. దీంతో సోషల్ మీడియాలో ఎక్కడ చూసినా బిగ్‌బాస్ షో గురించే చర్చ జరుగుతుంది. విన్నర్ ఎవరనే దానిపై తీవ్ర ఉత్కంఠ నెలకొంది. అయితే ప్రస్తుతం ఇంట్లో 6 కంటెస్టెంట్స్ ఉన్న సంగతి తెలిసిందే. ప్రశాంత్, అమర్, శివాజీ, అర్జున్, యావర్, ప్రియాంక ఫైనల్ కి వెళ్లారు. వీరిలో ఒకరు టైటిల్ విన్నర్ కానున్నారు. పలు మీడియా సంస్థలు సర్వేలు చేస్తున్నాయి. కాగా బాలీవుడ్ కి చెందిన ప్రముఖ సంస్థ బిగ్ బాస్ తెలుగు 7 ప్రారంభం అయినప్పటి నుండి సర్వే చేస్తుందట. ప్రేక్షకుల అభిప్రాయాల ఆధారంగా ఫలితాలు ప్రకటిస్తుందని సమాచారం. అయితే లేటెస్ట్ సర్వేలో కొన్ని షాకింగ్ ఫలితాలు వచ్చాయని ఓ న్యూస్ వైరల్ అవుతోంది. డిసెంబర్ ఎపిసోడ్‌‌ల వరకు సర్వే ఫలితాలు వచ్చాయట.

అందులో శివాజీ టాప్‌లో ఉన్నట్లు తెలుస్తోంది. మొదటి నుండి ఆయన రేసులో ఉన్నాడు. మైండ్ గేమ్ ఆడుతూ.. మెచ్యూర్డ్‌గా వ్యవహరిస్తూ.. తన మార్క్ క్రియేట్ చేశాడు. సీనియర్ నటుడిగా శివాజీకి ఫ్యాన్స్ బేస్ మామూల్‌గా లేదు. రైతు బిడ్డకు సపోర్ట్ చేయడంతో ప్రేక్షకుల్లో మరింత క్రేజ్ వచ్చింది. అయితే ఈ సర్వే ప్రకారం పల్లవి ప్రశాంత రెండో స్థానంలో ఉండగా.. అమర్, ప్రియాంక, అర్జున్ టాప్ 5లో ఉన్నట్లు తెలుస్తోంది. ఈ సర్వే ప్రకారం శివాజీ విన్నర్ అయితే.. రన్నర్‌గా ప్రశాంత గెలుస్తాడని తేలిందట. ఇక వచ్చే వారం ఫైనల్ ఎపిసోడ్ ప్రసారం కానుంది. బిగ్‌బాస్-7 విన్నర్ ఎవరో తెలియాలంటే.. ఇంకో వారం వరకు వేచి చూడాల్సిందే. ఈ సీజన్ ఉల్టా పుల్టా కాబట్టి ఏమైనా జరగొచ్చని ప్రేక్షకులు అభిప్రాయపడుతున్నారు.