బిగ్‌బాస్-7: శోభా వల్ల చిక్కుల్లో పడ్డ రతిక.. ఈ వారం నామినేషన్స్‌లో ఎంత మంది ఉన్నారంటే?

దిశ, వెబ్‌డెస్క్: తెలుగు బిగ్‌బాస్ షో తొమ్మిది వారాలు పూర్తి చేసుకుని పదో వారం లోకి ఎంట్రీ ఇచ్చింది. అయితే ఆదివారం నాడు ఎలిమినేషన్స్‌లో భాగంగా తేస్టీ తేజ ఇంటి నుంచి బయటకు వచ్చేశాడు. అయితే ఒక సోమవారం నామినేషన్స్ ఈ సారి బిగ్‌బాస్ మరింత ఆసక్తికరంగా మార్చారు. బిగ్‌బాస్ మహారాజ్యం అని చెప్పి శోభా, ప్రియాంక, అశ్విని, రతికలను రాజమాతలుగా నియమించాడు. మిగిలిన వాళ్లను ఒక్కకొక్కరిగా వచ్చి నామినేషన్ ప్రక్రియను కొనసాగించాలని చెప్పారు. మొదట అమర్ .. భోలేని, అర్జున్.. గౌతమ్ ని నామినేట్ చేయగా.. రాజమాతలు భోలేని నామినేట్ చేశారు. యావర్.. అమర్ ని, ప్రశాంత్.. గౌతమ్ ని నామినేట్ చేయగా.. రాజమాతలు గౌతమ్ ని నామినేషన్స్ కి పంపారు. భోలే.. అమర్ ని, గౌతమ్.. శివాజీని నామినేట్ చేయగా.. రాజమాతలు శివాజీని నామినేట్ చేశారు.

ఈ క్రమంలో ప్రియాంక అమర్ కి సపోర్ట్ గా భోలేతో గొడవ పడింది. శివాజీ కూడా తనని నామినేట్ చేయడంతో ప్రియాంక, శోభలతో గొడవ పడ్డారు. ఈ క్రమంలో అశ్విని రావడంతో ఆమెపై శోభా, ప్రియాంక ఫైర్ అయ్యారు. ఆ తర్వాత బిగ్‌బాస్ రాజమాతలు అందరూ వాళ్ళల్లో వాళ్లు నామినేషన్స్ చేసుకుని చివరికి ఒకరిని నామినేట్ చేయాలని అంటారు. అప్పుడు రతిక, అశ్విని.. ప్రియాంకను నామినేట్ చేయగా, శోభా, ప్రియాంక కలిసి రతికను చేస్తారు. దీంతో కెప్టెన్ శోభాను ఇద్దరిలో ఒక్కరినే నామినేషన్స్‌లో ఉంచాలని అంటాడు. ఇక శోభా, ప్రియాంకను సేవ్ చేసి రతికను నామినేషన్స్‌కు పంపుతుంది. మొత్తానికి ఈ వారం నామినేషన్స్‌ పూర్తి అవగా అందులో.. భోలే శావలి, శివాజీ, గౌతమ్, యావర్, రతిక ఉన్నారు.