KIA: కియా నుంచి 7 సీట్లతో EV కారు.. లాంచ్‌, ధర డీటెయిల్స్‌ ఇవే

దిశ, వెబ్ డెస్క్: kia: భారతదేశంలో ఎలక్ట్రిక్ వాహనాలకు డిమాండ్ వేగంగా పెరుగుతోంది. ప్రతి బడ్జెట్ విభాగంలో ప్రజలు ఎలక్ట్రిక్ వాహనాలను కోరుకుంటున్నారు. కార్ల కంపెనీలు కస్టమర్ల అవసరాలను దృష్టిలో ఉంచుకుని పనిచేస్తున్నాయి. కియా తన ఫ్యామిలీ కారు కారెన్స్ ఎలక్ట్రిక్ వెర్షన్‌ను కూడా విడుదల చేయడానికి సన్నాహాలు చేస్తున్నట్లు వార్తలు వస్తున్నాయి. అయితే, ఈ రాబోయే మోడల్ గురించి ఎన్నో లీక్స్ వచ్చాయి. కొత్త మోడల్ ప్రస్తుత కారెన్స్ EV వెర్షన్ అవుతుందని భావిస్తున్నారు. ప్రస్తుతం ఈ కారు టెస్టింగ్ జరుగుతోంది.

డిజైన్ లో మార్పు:

కొత్త Kia Carens EV టెస్టింగ్ సమయంలో చాలాసార్లు కనిపించింది. పెట్రోల్ మోడల్‌తో పోలిస్తే దీని డిజైన్‌లో కొన్ని మార్పులు ఉండే అవకాశం ఉంది. ఇప్పటికే ఉన్న పెట్రోల్ కారెన్స్‌ల నుండి భిన్నమైన డిజైన్‌ను అందించడానికి, దీనికి కొత్త గ్రిల్, బోనెట్, బంపర్, వీల్స్ లభించవచ్చు. అలాగే, వాహనం వివిధ భాగాలపై EV లోగో కనిపిస్తుంది. ఫ్యామిలీని బేస్ చేసుకుని డిజైన్ తయారు అవుతుంది. ఈ కారులో ఫ్రీ స్పేస్ ఉంటుంది.

500 కి.మీ పరిధి:

కొత్త Carens EV బ్యాటరీ, పరిధి గురించి ఇంకా అధికారికంగా ఎలాంటి సమాచారం వెలువడలేదు. కానీ పలు రిపోర్టు ప్రకారం చూస్తే..అందులో పెద్ద బ్యాటరీ ప్యాక్ అందుబాటులో ఉండే అవకాశం ఉంది. సింగిల్-స్పెక్ కారెన్స్ EV లెవల్ 2 ADAS, యాంటీ-లాక్ బ్రేకింగ్ సీట్ బెల్ట్‌లను కలిగి ఉంటుందని భావిస్తున్నారు. కియా ఈ ఏడాది భారతదేశంలో తన కొత్త కారెన్స్ EV ని విడుదల చేయవచ్చు. దీని ధర దాదాపు లక్ష రూపాయలు ఉండవచ్చు. కొత్త కారెన్స్ మారుతి సుజుకి ఎర్టిగాతో నేరుగా పోటీ పడనుంది. ఈ కారు ధర రూ.8.84 లక్షల నుండి ప్రారంభమవుతుంది. ఇది 7 సీట్ల కారు. అంతేకాదు ఈ కారు మారుతి సుజుకి XL6 తో కూడా పోటీ పడనుంది. కారెన్స్ EV కాకుండా..ఇది పెట్రోల్, డీజిల్ ఇంజిన్లలో ప్రారంభిస్తుంది.