అచ్చంపేటలో 25 పాజిటివ్ కేసులు

దిశ, అచ్చంపేట: నాగర్ కర్నూలు జిల్లా అచ్చంపేట నియోజకవర్గంలో మంగళవారం 25 కరోనా కేసులు నమోదైనట్లు స్థానిక వైద్యాధికారులు తెలిపారు. నియోజకవర్గంలోని అమ్రాబాద్ మండలం ఈగలపెంటలో 4కేసులు, బల్మూర్ మండలంలో ఒక్క కేసు, అచ్చంపేట మండలంలో 18 కేసులు నమోదయ్యాయి.

ఇందులో సిద్ధాపూర్ గ్రామానికి చెందిన ఒక వ్యక్తికి కరోనా సోకినట్లు అధికారులు గుర్తించారు. కాగా, కరోనా సోకిన వారి ప్రైమరీ కాంట్రాక్టులను గుర్తించే పనిలో వైద్య మరియు పోలీస్ అధికారులు నిమగ్నమయ్యారు. పాజిటివ్ కేసులు నమోదైన వారి ఇంటి వద్దకు వెళ్లి వైద్య సిబ్బంది తగిన సూచనలు చేశారు. హోమ్ క్వారంటైన్లో ఉండి తగిన జాగ్రత్తలు పాటిస్తూ.. సమయానుకూలంగా మందులను వేసుకోవాలని సూచించారు.