చెన్నైలో అతిపెద్ద డేటా సెంటర్ ప్రారంభం

దిశ, వెబ్‌డెస్క్ : భారతీ ఎయిర్‌టెల్ డేటా సెంటర్ అనుబంధ సంస్థ Nxtra మంగళవారం కొత్త హైపర్‌స్కేల్ డేటా సెంటర్ పార్క్‌ను చెన్నైలో ప్రారంభించింది.ఈ డేటా సెంటర్‌ను తమిళనాడు ముఖ్యమంత్రి ఎంకే స్టాలిన్ డిజిటల్‌గా ఆవిష్కరించారు. కొత్త డేటా సెంటర్‌తో Nxtra దేశంలో అతిపెద్ద డేటా సెంటర్ నెట్‌వర్క్‌ను నిర్వహిస్తోంది. ఇందులో 120 చిన్న డేటా సెంటర్లు, 11 హైపర్‌స్కేల్ సెంటర్లు ఉన్నాయి. ఇది 270,000 చదరపు అడుగుల విస్తీర్ణంలో విస్తరించి ఉన్న హైపర్‌స్కేల్ 38 MW LEED-సర్టిఫైడ్ సౌకర్యంతో ఉన్నది.

డేటా సెంటర్ సామర్థ్యాన్ని మూడు రెట్లు పెంచి 400 మెగావాట్లకు పెంచేందుకు 2025 నాటికి రూ.5,000 కోట్ల పెట్టుబడి పెట్టనున్నట్లు కంపెనీ తెలిపింది. 5Gతో డేటా సెంటర్లకు డిమాండ్ వేగంగా పెరుగుతోంది. మరిన్ని వ్యాపారాలు, ప్లాట్‌ఫారమ్‌లు ఆన్‌లైన్‌లో కార్యకలాపాలు చేపట్టాలని చూస్తున్నాయి. భారతదేశంలో డేటా సెంటర్లకు పెరుగుతున్న డిమాండ్‌ను అందించడానికి ఈ నిర్ణయం తీసుకున్నట్లు ఎయిర్‌టెల్ తెలిపింది. ఇంకా, కంపెనీ గ్రీన్ ఎనర్జీ సోర్స్‌లలో పెట్టుబడి పెట్టాలని చూస్తోంది. తద్వారా కనీసం 50% విద్యుత్ అవసరాలను పునరుత్పాదక ఇంధన వనరులనుండి పొందాలని లక్ష్యంగా పెట్టుకుంది.

భారతదేశం విశ్వసనీయమైన డేటా సెంటర్ సొల్యూషన్స్‌కు బలమైన డిమాండ్‌ను చూస్తోంది. 2023 నాటికి దేశంలోని డేటా సెంటర్ పరిశ్రమ సామర్థ్యాన్ని దాదాపు 450 మెగావాట్ల నుండి 1074 మెగావాట్లకు రెట్టింపు చేయవచ్చని Nxtra తెలిపింది.‘డిజిటల్ ఇండియా అవకాశాన్ని అందించడానికి మేము దూకుడుగా ఉండడం ద్వారా మా ప్రయాణంలో ఇది ఒక ప్రధాన మైలురాయి. చెన్నై దక్షిణాసియాకు ప్రాంతీయ డేటా సెంటర్ హబ్’గా నిలుస్తుంది. అని ఎయిర్‌టెల్ బిజినెస్ డైరెక్టర్ సీఈవో అజయ్ చిట్కారా తెలిపారు.