సామ్‌కు మద్దతిచ్చిన హైదరీ
సమ్మోహనం ఫేమ్ అదితి రావు హైదరీ … ప్రస్తుతం మణిరత్నం ‘పొన్నియిన్ సెల్వన్’ సినిమాలో నటిస్తోంది. తెలుగులో ‘వి’ సినిమాలో నటిస్తున్న ఈ భామ ‘ఆర్ఎక్స్ 100’ డైరెక్టర్ అజయ్ భూపతి డైరెక్షన్‌లో వస్తున్న ‘మహాసముద్రం’ మూవీలోనూ లీడ్ రోల్ చేస్తోందని వార్తలు వస్తున్నాయి. శర్వానంద్ హీరో కాగా, ఈ క్యారెక్టర్‌కు ముందుగా సమంతను అనుకున్నా ‘జాను’ ఫ్లాప్‌తో తన ప్లేస్‌లో హైదరీని తీసుకున్నారని ఓ వార్త హల్‌చల్ చేస్తోంది. దీంతో మండిపోయిన హైదరీ… సామ్‌కు సపోర్ట్ చేస్తూ స్పందించింది.
ఒక నటి/నటుడి ప్రతిభను సినిమా విజయాలు, అపజయాలను చూసి అంచనా వేయలేమని చెప్పింది. ఇలాంటి వార్తలను అసలు ఎంకరేజ్ చేయొద్దని సూచించింది. చిత్ర నటీనటుల గురించి నిర్మాత లేదా దర్శకుల నుంచి అఫీషియల్ అనౌన్స్‌మెంట్ వచ్చే వరకు వెయిట్ చేయాలని, లేనిపోని వార్తలు రాయొద్దని హితవు పలికింది.
Read Also..
Advertisement
Next Story
