Weather Alert : రాష్ట్రాన్ని వణికిస్తున్న చలి
దిశ, వెబ్ డెస్క్ : తెలంగాణ(Telangana)లో రోజురోజుకీ ఉష్ణోగ్రతలు విపరీతంగా పడిపోతున్నాయి. గత రెండు రోజులుగా రాష్ట్రంలో కనిష్ట ఉష్ణోగ్రతలు సాధారణం కంటే నాలుగు డిగ్రీలు తక్కువగా నమోదవుతున్నాయని వాతావరణశాఖ(Department of Meteorology) వెల్లడించింది. ఈశాన్య గాలులు ఎక్కువగా వీస్తుండటమే దీనికి గల కారణమని వివరించింది. రానున్న రెండు రోజుల్లో ఉత్తర తెలంగాణ(Northen Telangana)లో చలి ప్రభావం ఎక్కువగా ఉంటుందని.. ప్రజలు అప్రమత్తంగా ఉండాలంటూ పలు జిల్లాలకు ఎల్లో అలర్ట్ జారీ చేసింది. ముఖ్యంగా అదిలాబాద్, కుమురం భీం, నిర్మల్ జిల్లాల్లో అత్యధిక కనిష్ట ఉష్ణోగ్రతలు ఏర్పడే అవకాశం ఉన్నందున ఆయా జిల్లాల ప్రజలు జాగ్రత్తగా ఉండాలని, లేదంటే శ్వాసకోశ సమస్యలు ఎదురయ్యే అవకాశం ఉందని సూచించింది. ఇక రాష్ట్ర రాజధాని హైదరాబాద్ లో కూడా సాధారణం కంటే రెండు డిగ్రీల ఉష్ణోగ్రతలు తక్కువగా నమోదవనున్నట్టు తెలిపింది.
