మహబూబాబాద్ లోక్‌సభ అభ్యర్థిని ప్రకటించిన కేసీఆర్

దిశ, వెబ్‌డెస్క్: బీఆర్ఎస్ అధినేత కేసీఆర్ మరో లోక్‌సభ అభ్యర్థిని ప్రకటించారు. మహబూబాబాద్ అభ్యర్థిగా మాలోతు కవితను ఖరారు చేశారు. ఈ విషయాన్ని పార్టీ నేతల సమక్షంలో అధికారికంగా వెల్లడించారు. సోమవారం ఖమ్మం, మహబూబాబాద్‌ నేతలతో బీఆర్‌ఎస్‌ అధినేత భేటీ అయ్యారు. తెలంగాణ భవన్‌లో రెండు పార్లమెంట్‌ నియోజకవర్గాలకు చెందిన నేతలతో సమావేశమైన కేసీఆర్‌.. లోక్‌సభ ఎన్నికల కార్యాచరణపై పార్టీ శ్రేణులకు దిశానిర్దేశం చేశారు. సమావేశానికి రెండు పార్లమెంట్‌ నియోజకవర్గాలకు చెందిన నేతలతో పాటు కీలక నేతలు హాజరయ్యారు. సమావేశం అనంతరం స్థానిక నేతల అభిప్రాయం తీసుకొని రెండు సెగ్మెంట్ల అభ్యర్థులను ప్రకటించారు. ఖమ్మం అభ్యర్థిగా నామా నాగేశ్వర రావు, మహబూబాబాద్ అభ్యర్థిగా మాలోతు కవిత పేర్లు ఖరారు చేశారు.