మెగాస్టార్ నట ప్రస్థానానికి 42 ఏళ్లు
దిశ, వెబ్‌డెస్క్: సాధారణ పోలీసు కానిస్టేబుల్ కుమారుడిగా ఇండస్ట్రీలో అడుగుపెట్టి, స్వయంకృషితో అంచెలంచెలుగా ఎదిగిన మెగాస్టార్ చిరంజీవి నట ప్రస్థానం ఈరోజుతో 42 ఏళ్లు పూర్తయింది. ఇన్నేళ్ల ఆయన సినీ జీవితంలో ఎన్నో ఒడిదుడుకులు, కష్ట,సుఖాలు, అవమానాలు చవిచూసి నేడు తెలుగు చిత్ర పరిశ్రమను రూల్ చేసే స్థాయికి ఎదిగాడు. 1978 సెప్టెంబర్ 22న చిరంజీవి హీరోగా ప్రాణం ఖరీదు సినిమాతో ఇండస్ట్రీకి పరిచయం అయ్యాడు. ఆ తర్వాత హీరోగా, కమెడీయన్, విలన్‌గా అనేక పాత్రలు చేశారు.
ఆయన నట ప్రస్థానంలో ఆయన ఎదుగుదలకు ఉపయోగ పడే సినిమాలే కాకుండా ప్రజలకు ఉపయోగపడే, సమాజంలో జరుగుతున్న అవినీతి అక్రమాలపై కూడా సినిమాల ద్వారా ప్రజల్లో చైతన్యం తీసుకొచ్చారు. అప్పటివరకూ తెలుగు సినిమాకు రెండు కళ్లుగా ఉన్న ఎన్టీఆర్, ఏఎన్ఆర్‌లను సైతం వెనక్కి, తనదైన శైలిలో దూసుకొచ్చాడు. ఇంద్ర, స్టాలిన్, ఠాగూర్ వంటి సినిమాలతో చరిత్ర సృష్టించాడు. సైరా వంటి చిత్రంతో మరుగున పడ్డ చరిత్రను వెలికి తీసాడు
