ఏపీకి చేరుకున్న 11,76,000 కొవిడ్ టీకా డోసులు

దిశ, ఏపీ బ్యూరో: రాష్ట్రానికి మరో 11,76,000 కొవిడ్ టీకా డోసులు వచ్చాయి. పూణేలోని సీరం ఇనిస్టిట్యూట్ నుంచి గన్నవరం విమానాశ్రయానికి కొవిషీల్డ్ టీకా డోసులు చేరుకున్నాయి. ఢిల్లీ నుంచి ఎయిర్ ఇండియా విమానంలో 98 బాక్సుల్లో టీకాలు వచ్చాయి. ఈ టీకాలను అధికారులు గన్నవరంలోని రాష్ట్ర టీకా నిల్వ కేంద్రానికి తరలించారు. అక్కడి నుంచి వైద్య, ఆరోగ్యశాఖ ఆదేశాలతో జిల్లాలకు వ్యాక్సిన్‌ను పంపిణీ చేయనున్నారు. తాజాగా చేరుకున్న కొవిడ్ టీకాలతో రాష్ట్రంలో నెలకొన్న వ్యాక్సిన్ కొరతకు కాస్త ఉపశమనం కలిగినట్లైంది.